التوقعات المرئية لزوجتى الذكية

( فى الحقيقة)
كلمة بيقولها اى حد بيكون ناوى يكذب .. وانا بابتدى بنفس الكلمة .. بس مش شرط اكون باكذب وفى نفس الوقت ممكن اكون باكذب
عموما هاسيب ده لتخيلاتك انت .. وفى الحالتين ماحدش يهمه دى حقيقة ولا خيال
طبعا باخلص شغلى وعلى البيت طوالى .. تعبان وقرفان ونفسى اكل واتفرج على التليفزيون شويه .. وشوية درشه مع زوجتى الحبيبة .. وبعدها انام علشان ابتدى يوم جديد سعيد كالمعتاد





يادوب دخلت من الباب .. واذاعة صوت العرب اشتغلت .. اتأخرت ليه ؟ انت قلت جاى على طول ؟ طبعا كنت ماشى وجالك عملاء فى المكتب عطلوك؟ وماجبتش الكافى مكس اللى قلتلك عليه ليه؟ وأكل القطة جايب الكيس الصغير !! مش قلتلك الكبير أوفر ؟
اللى واخد بالك .. وكمان جاى مبتسم ؟ ياسلام .. ايه اللى حصل ؟ أكيد العميل كان واحده ست ؟ صح؟
طيب ولما هى واحده ست ماجبتش جوزها معاها ليه ؟
وهتفضل كل يوم تتأخر؟ وتتحجج بحجج فاضية ؟ ما انا حافظاك .. قاعد على مكتب ولا فى بالك حد .. ومقضيها هزار وكلام
واصحاب ونت وتعارف وستات وبنات .. انا مش عبيطة .. ربنا بيفتح بصيرتى وبيوقعك ويكشف تصرفاتك
واكلت ايه النهارده ؟ فطرت واتغديت ولا فطرت بس؟ طبعا بتاكل كل اللى نفسك فيه واحنا هنا نتفلق ؟
طيب لما شربت كافى مكس ما افتكرتش انى طلبته منك ؟
نفسى الكهرباء تقطع علشان الراديو اللى شغال يفصل وارد على سؤال واحد من الستين سؤال اللى سألتهم
وطبعا كلامى مش مفروض يكون رد .. لأ .. ده مفروض يكون تبرير لكل التوقعات اللى اتوقعتها الست زوجتى .. وطبعا بذكائها اللى ماوردش على حد قبلها ولا هيورد على حد بعدها .. اتأكدت تماما من كل اللى حصلى وأخرنى عن البيت شوية دقايق
فعلا الرجالة دول لازم يتعدموا فى ميدان عام عشان خيانتهم
ده مش كلامى .. ده كلام الست زوجتى المصونه .. طبعا راح العشاء .. وراح التليفزيون .. وراحت شوية الدردشة
ولقيت نفسى باقولها جملة صغيرة

( تصبحى على خير )

شاهد الفيديو .. اعتقال سفيرة مصر في قبرص بعد صفعها...
معنى كلمة (الفتنه) فى القران الكريم
 

تعليقات (3)

  1. fahadleb

تستاهل ؟ مادام عارف انو في راديو في البيت ؟ امال بتتاخر وبتنسى تشتري الحاجات ليه

  المرفقات
 
  1. شريف المصري

ههههههههههههههههههه
الراجل ده عرف الحاجات اللي بتحصللي ازاي
ولا تكون مراته صاحبة مراتي
هههههههههههههههههههههههههههههه

  المرفقات
 
  1. fahadleb

ههههه انت كنت غايب ليه
وبعدين شو عرفك بالسر ده

  المرفقات
 
لا يوجد تعليقات منشورة هنا

ترك تعليقاتك

نشر التعليق كزائر. انشاء حساب أو تسجيل الدخول إلى حسابك.
المرفقات (0 / 3)
Share Your Location